Sumqayıt məktəblisi Rusiyada yüksək nəticə əldə edib.
Sumqayit24.az xəbər verir ki, Rusiyanın Sankt-Peterburq şəhərində keçirilən "Professionallar-2025" beynəlxalq müsabiqəsində Sumqayıt şəhərindən olan məktəbli Eldar Həmidov yüksək nəticə göstərərək qızıl medala layiq görülüb.
Belə ki, müsabiqədə tələbə və gənclərdən ibarət iştirakçılar texniki və praktiki bacarıqlarını nümayiş etdiriblər.
29 nömrəli məktəbin 10-cu sinif şagirdi olan Eldar Həmidov isə prototiplərin hazırlanması və 3D çap sahəsində göstərdiyi yüksək ustalığı ilə fərqlənərək qalib adını qazanıb.
Qeyd edək ki, yarışda Rusiya, Çin, Hindistan, Kamerun, İordaniya və digər ölkələr də daxil olmaqla 30-dan çox ölkədən iştirakçı qatılıb.
