Sumqayıtda fəaliyyət göstərən uşaq bağçaları tam olaraq istiliklə təmin olunublar. Bu haqda DünyaTV-nin reportajına istinadən xəbər veririk.
Payız-qış mövsümü gəlməmişdən öncə, həmin bağçalarda istilik sisteminin yararlı olub-olmaması yoxlanılıb. Həmçinin, qazanxanalar və radiatorlar da yoxlamadan keçirilib. Aşkar edilən nöqsanlar operativ olaraq aradan qaldırılıb.
Məsələn, 26 saylı “Qağayı” gecə gündüz körpələr evi və uşaq bağçası 59 il bundan əvvəl inşa olunub. Lakin həmin bağça yeni tikilənlərdən müasirlikdə heç də geridə qalmır. Burada, mövsüm başlamamışdan öncə nasaz radiatorlar aşkar edilərək təmir olunmuşdur, istilik xətləri yenilənib, tüstü borularında isə müvafiq qurumlarla birlikdə təmizlik işləri aparılıb. Həmçinin, qapı və pəncərələr təmir edilib. Hazırda isə bağça istiliklə tam təmin olunub.
