Sumqayıtın bəzi ərazilərində bu gün saat 10:00-dan 14:00-dək təbii qaz təchizatında məhdudiyyətlər yaranacaq. Bu haqda bu gün, 21 dekabr tarixində APA məlumat yayıb.
Məlumata əsasən, şəhərin 42, 47, 48, 49, 50, 51, 52, 53-cü məhəllələrində, 10, 11, 12, 13, 16, 17, 18, 20 və 21-ci mikrorayonlarında, həmçinin Ceyranbatan, Novruz, Təzə və Köhnə Corat qəsəbələrində, Yaşıldərə və “Qurddərəsi” yaşayış massivləri, Sumqayıt-Novxanı şosesi ərazilərində, Metallurq, Saray, Novxanı və Corat bağlarında qaz təchizatı dayandırılacaq.
Yaranacaq məhdudiyyətlər, "Şəhər 4” orta təzyiqli qaz kəmərində təmir-bərpa işlərinin aparılması ilə əlaqədardır.
