Sumqayıt sakini şəxsi münasibətlər zəminində baş verən mübahisə zamanı bıçaqlanıb.
Qafqazinfo.az-ın məlumatına görə, hadisə noyabrın 2-si saat 16 radələrində,Bakı şəhəri, Üzeyir Hacıbəyli küçəsində yerləşən "Kontakt Home" mağazalar şəbəkəsində qeydə alınıb.
Belə ki, Bakı şəhər sakini 33 yaşlı Faxrəddin Sədrəddin oğlu Quliyev mağazaya basqın edərək orada işləyən arvadı Sumqayıt şəhər sakini 30 yaşlı Leyla Murad qızı Quliyevaya bıçaqla zərbələr endirib.
Qadın qaçsa da, əri ona çataraq kürək nahiyəsinə 8 bıçaq xəsarəti yetirərək öldürməyə cəhd göstərib.
F.Quliyev polis əməkdaşları tərəfindən şübhəli şəxs qismində saxlanılıb.
L.Quliyeva xəstəxanaya yerləşdirilib, vəziyyəti orta-ağırdır. Hadisənin qısqanclıq zəminində törədildiyi bildirilir.
Faktla əlaqədar Cinayət Məcəlləsinin 29.120.1-ci (qəsdən adam öldürməyə cəhd) maddəsi ilə cinayət işi başlanıb.
Hadisə ilə bağlı araşdırmalar aparılır.
