Sumqayıt xəstəxanasındakı vəziyyət vətəndaşlarda ciddi narazılıq yaradır.
Sumqayit24.az-a daxil olan məlumata görə, 1 saylı Sumqayıt şəhər xəstəxanasında izdiham yaşanır.
Görüntülərdən də aydındır ki, bu qədər insanın içərisində hərəkət etmək qeyri-mümkündür. Şikayətçilərin məlumatına əsasən, böyük izdihama səbəb üç qapıdan ikisinin bağlı olmasıdır.
"3 gündür ki, bu xəstəxanaya gəlib-gedirik və vəziyyət düzəlmir. Bu cür sıxlıq xəstələr arasında ciddi mübahisələrin də yaranmasına səbəb olur", - deyə şikayətçilərdən biri bildirib.
Vətəndaşlara aidiyyəti qurumlardan məsələ ilə bağlı təcili tədbir görülməsini tələb edirlər.
