Sumqayıtda hərəkətin təşkilində olan nöqsan və sürücülərin intizamsızlığı yolda hərəkəti çətinləşdirir.
Avtosfer.az-ın məlumatına görə, söhbət Koroğlu küçəsilə Üzeyir Hacıbəyov küçəsinin kəsişməsindən gedir.
Qeydə alınmış videodan da aydın şəkildə görünür ki, avtobuslar üçün dayanacaq var, lakin dayanacağı bildirən 5.14 nişanı yoxdur. Digər avtomobillər həmin dayanacaqda parklanma etdikləri üçün avtobus sürücüləri sərnişinləri yolun ortasında düşürməli olurlar. Bu isə həm sərnişinlərin həyatı üçün təhlükə yaradır, həm də arxadan gələn digər avtomobillərin hərəkətini çətinləşdirir.
Lentə alınmış bu videoda 77-DP-571 qeydiyyat nişanlı "Honda" markalı avtomobilin sürücüsünün də qayda pozuntusu əks olunub. O, ikinci cərgədə parklanma edərək gərginliyi daha da artırıb.
