Sumqayıt şəhərində baş vermiş partlayış hadisələrindən bir il ötür.
Sumqayit24.az xəbər verir ki, 2024-cü il 3 dekabr tarixində, 13-cü mikrorayonunda, beşmərtəbəli binanın birinci mərtəbəsində yerləşən mənzildə qaz sızması nəticəsində partlayış baş verib.
Həmin gün Novxanı qəsəbəsinin Sahil küçəsindəki fərdi yaşayış evində də partlayış hadisəsi qeydə alınıb.
13-cü mikrorayondakı partlayış zamanı 6 nəfər xəsarət alıb. Daha sonra xəsarət alanlardan 47 yaşlı Ramin Əliyev və onun 17 yaşlı oğlu Ayxan Əliyev xəstəxanada dünyasını dəyişiblər. Bundan əlavə, partlayış baş verən binada yaşamış 72 yaşlı şəhər sakini Nadejda hadisənin yaratdığı şokdan özünə gələ bilməyib və qohumlarının evində həyatını itirib.
Novxanıdakı partlayışda dağıntılar altından çıxarılan iki nəfər isə xəstəxanaya yerləşdirilsə də, onlardan biri həyatını itirib.
Qeyd edək ki, Novxanı qəsəbəsindəki partlayışda xəsarət alan şəxslər mərhum şahmat ustası Vüqar Həşimovun valideynləri olub. Hadisə nəticəsində onun atası vəfat edib.
