Sumqayıt şəhərində dəm qazından zəhərlənənlərin durumu müəyyənləşib.
Sumqayıt Tibb Mərkəzindən Sumqayit24.az-a bildirilib ki, 02.01.2026-cı il tarixində saat 23:50 radələrində Sumqayıt Tibb Mərkəzinin Təcili Tibbi Yardım Xəstəxanasına 3 nəfər (2 kişi, 1 qadın) hospitalizasiya olunub.
Dəm qazından zəhərlənmə diaqnozu təyin edilən pasiyentlərə zəruri tibbi xidmətlər göstərilib.
Vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar.
***
Sumqayıt şəhərində bir ailənin üç üzvü dəm qazından zəhərlənib.
Teleqraf.az-ın məlumatına görə, hadisə şəhərin 22-ci məhəlləsində yerləşən yaşayış evlərindən birində qeydə alınıb.
Belə ki, 1993-cü il təvəllüdlü Əliyar Əliyev, 1995-ci il təvəllüdlü Əlisalam Əliyev və 1963-cü il təvəllüdlü Şəhla Həsənəliyeva hamam otağında olarkən dəm qazının təsirinə məruz qalıblar.
Zəhərlənən şəxslər təcili tibbi yardım briqadasının köməyi ilə Sumqayıt şəhər Təcili Tibbi Yardım Xəstəxanasına çatdırılıblar.
Faktla bağlı müvafiq qurumlar tərəfindən araşdırma aparılır.
