Sumqayıtda özəl bağçalara qeydiyyat başlayıb.
Sumqayit24.az Elm və Təhsil Nazirliyinə istinadən xəbər verir ki, özəl məktəbəqədər təhsil müəssisələri üçün qrant müsabiqəsi çərçivəsində qalib gəlmiş özəl bağçalara elektron portal üzərindən qeydiyyat prosesinə start verilib.
Valideynlərə www.bq.edu.az portalı vasitəsilə övladlarını qeydiyyatdan keçirmələri tövsiyə olunur.
Qeyd edilib ki, valideyn-dövlət-özəl əməkdaşlığına əsaslanan maliyyələşmə modelinin tətbiqi ilə məktəbəqədər təhsilin əhatə dairəsinin genişləndirilməsi məqsədi ilə keçirilən qrant müsabiqəsində 63 özəl məktəbəqədər təhsil müəssisəsi qalib olub və həmin müəssisələrin Azərbaycan bölməsində təhsil alan uşaqların aylıq təhsil haqqının 250 manat məbləğində olan hissəsinin dövlət tərəfindən qarşılanması, qalan məbləğin isə valideyn tərəfindən ödənilməsi nəzərdə tutulub. Qalib gəlmiş uşaqların aylıq təhsil haqqı və valideyn tərəfindən ödəniləcək məbləğlə müvafiq link vasitəsilə tanış olmaq mümkündür.
Xatırladaq ki, Sumqayıtda da fəaliyyət göstərən özəl məktəbəqədər təhsil müəssisəsi Elm və Təhsil Nazirliyi tərəfindən elan edilən qrant müsabiqəsinin qalibi olub.
Sözügedən bağçaları təqdim edirik:
- "Pöhrə körpələr evi-uşaq bağçası" MMC – Sumqayıt şəhəri, Z. Hacıyev küçəsi 174
- "Ləma uşaq bağçası" MMC – Sumqayıt, 10-cu mikrorayon, 59
- "İsminur körpələr evi-uşaq bağçası" MMC – Sumqayıt, Bakı küçəsi 195, M1, mənzil 5
- "Şirin Arılar uşaq bağçası" MMC – Sumqayıt, Bulvar küçəsi, giriş 157A
- "Kaspi-kids" MMC (Sumqayıt filialı) – Sumqayıt, Gənclik küçəsi 136
