Xəbər verdiyimiz kimi, Sumqayıtda və Salyanda fermada oğurluq hadisəsi qeydə alınıb.
Yarım milyon manatdan çox dəyəri olan heyvanları sahibkardan xəbərsiz satdıqları bildirilən çobanların yaxınları bu hadisədə elə ferma sahiblərini ittiham edirlər.
Belə ki, çobanlar - Kəmaləddin Hüseynov və Ceyhun Əskərovun ümumilikdə 1 377 baş heyvanı sataraq pulunu mənimsədikləri bildirilib. Ancaq həbs olunan Kəmaləddin Hüseynovun bacısı və Ceyhun Əskərovun anası isə oğurluqda fermanın sahibinin əli olduğunu bildirirlər.
Oğurluqda ittiham edilən Ceyhun Əskərovun atası da baş verənlərin qurama olduğunu iddia edir.
İddialarla bağlı qarşı tərəflə telefon əlaqəsi saxlanılıb. Fermanın sahiblərindən Firdovsi Baxışov deyilənlərin əsassız olduğunu bildirib.
Firdovsi Baxışov qeyd edib ki, ilk başda ferma sahibləri Ceyhun Əskərovla bağlı polisə şikayət etməyiblər, ancaq istintaq araşdırması nəticəsində onun da oğurluqda əli olduğu müəyyən edilib.
Daha ətraflı Xəzər Tv-nin süjetində.
