Sumqayıtda içməli suyun boş yerə axması sakinlərdə narazılıq yaradıb.
Sumqayit24.az-a daxil olan məlumata görə, 11-ci mikrorayonda, Koroğlu prospektində su borusunda yaranan nasazlıq səbəbindən ərazidə uzun müddətdir su sızması müşahidə olunur.
"Çoxdandır ki, burada vəziyyət belədir. Məsul quruma müraciət etsək də, heç bir addım atılmır", - deyə şikayətçilərdən biri bildirib.
Vətəndaşlar aidiyyəti qurumlardan əraziyə baxış keçirilməsini tələb edirlər.
