Sumqayıt şəhərində ər-arvad arasında yaşanan mübahisə cinayətlə nəticələnib.
Demokrat.az-ın məlumatına görə, hadisə şəhərin Hacı Zeynalabdin Tağıyev qəsəbəsində baş verib. Şəhər sakini, 1983-cü il təvəllüdlü Yunis qəsəbədə yaşadığı fərdi evdə həyat yoldaşı Könül ilə mübahisə edib.
Aralarında baş vermiş mübahisə zamanı təqsirləndirilən şəxs arvadını aerozol qabıyla sol təpə nahiyyəsindən vurub. Ona müxtəlif dərəcəli xəsarətlər yetirib.
Hadisəni törədən Yunisin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
İş üzrə ifadə verən Yunis ona elan olunmuş ittiham üzrə özünü təqsirli bilib. Bu işə Sumqayıt Şəhər Məhkəməsində baxılıb. Məhkəmədə məlum olub ki, təqsirləndirilən şəxs zərərçəkənlə barışıq əldə edib.
Məhkəmənin hökmü ilə Cinayət Məcəlləsinin 73.2-ci maddəsinə əsasən Yunisin barəsində olan cinayət təqibinə xitam verilib və o, cinayət məsuliyyətindən azad edilib.
