Sumqayıtda 72 yaşlı qadının iynədən ölməsi ilə bağlı RƏSMİ AÇIQLAMA
TƏBİB-dən Sumqayit24.az -a bildirilib ki, xəstəyə həkim təyinatı əsasında "Aktoseril" preparatının inyeksiyası icra edilib.
"İnyeksiya zamanı xəstənin halı pisləşib, qəfil və sürətlə inkişaf edən anafilaktik şok reaksiyası baş verib. Bütün reanimasiya tədbirlərinə və həkimlərin çoxsaylı səylərinə baxmayaraq şəxsin bioloji ölüm faktı qeydə alınıb. Qeyd edək ki, prosedur tibbi təyinat və elektron qeydiyyat əsasında, preparatın seriya nömrəsi və yararlılıq müddəti yoxlanıldıqdan sonra sanitariya-gigiyena tələblərinə tam riayət edilməklə sertifikatlı tibb bacısı tərəfindən icra olunub",- deyə məlumatda qeyd edilib.
*****
Sumqayıtda 72 yaşlı qadın klinikada dünyasını dəyişib.
Məlumatına görə, hadisə noyabrın 25-də baş verib. Belə ki, Sumqayıtın 45-ci məhəlləsinin ərazisində yerləşən 3 saylı ailə sağlamlıq klinikasında şəhər sakini 72 yaşlı Nigar Babaxanovanın ona vurulan iynənin təsirindən dünyasını dəyişdiyi ehtimal olunur.
Faktla bağlı araşdırma aparılır.
Hadisə ilə bağlı TƏBİB-ə sorğu göndərilib.
