Əlil arabasında olan şəxslər Sumqayıtın dənizkənarı bulvarına düşə bilmir. Səbəb isə, Şəhidlər xiyabanının yanında olan pilləkənlərdə onların hərəkəti üçün qoyulmuş xüsusi pandusların yarıya kimi olmasıdır. Bu barədə Sumqayıt24-ə sakinlər məlumat verib.
Sakinlərin sözlərinə görə, uzunluğu 50 metrə çatan pilləkənlərin bir tərəfində pandus ümumiyyətlə yoxdur, digər tərəfdə isə var, lakin o da yarı yolda bitir. Bu səbəbdən, əlil arabası ilə, həmçinin körpə arabası ilə olan vətəndaşlar dəniz kənarına düşə bilmirlər.
Sadaladığımız şəxslər dəniz havasını almaq üçün, başqa, daha uzun yolu qət edib sahilə düşməli olurlar.
[modula id="7862"]
