Sumqayıt şəhərinin bir çox yerlərində lüklərin qapağı yoxdur. Sumqayıt24 bu barədə 28 oktyabr tarixində məlumat verir.
Bu hal Azərbaycan prospektində yerləşən C.Cabbarlı Mədəniyyət Sarayının, 4 nomrəli “Çobanyastığı” Bağçasının yanında, 18 və 19-cu məhəllələrin kəsişməsindəki keçiddə, eləcə də Sülh küçəsindəki “Room store” mebel salonuna yaxın dayanacağın yanında və digər ərazilərdə müşahidə olunur.
“Son zamanlar lüklərin oğurluq hadisələri artıb. Dəfələrlə avtomobil təkərləri quyuda ilişib. Bu maneə görülmədiyindən hər an qəza rıski yaranır. Müvəqqəti olaraq taxta və ya dəmir parçaları ilə örtürük. Axşam saatlarında görmədən kimsə oraya yıxıla bilər”, - deyə sakinlər bildiriblər.
