Sumqayıtda dələduzluq hadisələri baş verib.
Sumqayit24.az xəbər verir ki, zərərçəkənlərdən birinin "mebel alqı-satqısı" adı altında, digərinin isə "işə düzəltmək" vədi ilə aldadılaraq ümumilikdə 12 min manat pul vəsaitinin ələ keçirilməsi ilə bağlı polisə müraciətlər daxil olub.
Polis əməkdaşları tərəfindən keçirilən tədbirlə əməlləri törətməkdə şübhəli bilinən, əvvəllər də dələduzluğa görə məhkum olunmuş 40 yaşlı T.Allahyarov və 49 yaşlı A.Allahyarov müəyyən olunaraq saxlanılıblar.
Bundan əlavə, şəhər ərazisində keçirilən digər tədbir nəticəsində isə vətəndaşın bank kartında olan pul vəsaitini ələ keçirməkdə şübhəli bilinən 41 yaşlı M.Əliyev də saxlanılıb.
