Sumqayıtda ərazinin müəyyən hissəsinin zəbt edilməsi vətəndaşlarda ciddi narazılıq yaradıb.
Sumqayit24.az-a müaciət edən 14-cü məhəllənin sakinləri bildiriblər ki, hər kəsə məxsus olan yeri müxtəlif üsullarla ələ keçiriblər.
Belə ki, zəncir vasitəsilə ərazidə parklanma sahəsi yaradılıb və zəncir qıfılla da kilidlənib.
"Bura özəl mülk deyil, hamının istifadə edə biləcəyi məhəllədir. Belə vəziyyətə görə maşınımı saxlamağa yer tapa bilmirəm",- deyə sakinlərdən biri bildirib.
Vətəndaşlar aidiyyəti qurumlardan əraziyə baxış keçirilməsini və problemin aradan qaldırılmasını tələb edirlər.
