Sumqayıtın Məhəmməd Əsədov küçəsində küçə ticarətinə qarşı keçirilən reyd zamanı çəkilən görüntülər ictimai müzakirələrə səbəb olub.
Belə ki, vətəndaşlar vəzifəli olduğu deyilən şəxsin sahibkara qarşı davranışını kobudluq kimi dəyərləndirərək, satılan malların müsadirə edilməsinin qanunsuz olduğunu bildiriblər.
Sumqayıt Şəhər İcra Hakimiyyətindən verilən açıqlamaya görə isə, reyd zamanı satıcılara məxsus məhsullar müsadirə edilməyib:
"Yalnız onların satışının müvafiq qaydalara uyğun şəkildə davam etdirilməsi təmin olunub".
Qeyd edək ki, məsələ ilə bağlı aparılan müzakirələr Xəzər TV-nin "Xəbər Ertəsi" verilişində də gündəmə gətirilib.
