Sumqayıtda yaşayış binasındakı vəziyyət sakinlər arasında narazılıq yaradıb.
Sumqayit24.az-a müraciət edən 14-cü məhəllə, 4/27 ünvanlı binanın sakinləri bildiriblər ki, buradakı pilləkənlər bərbad vəziyyətdədir.
Görüntüdən də aydındır ki, pilləkənlər yararsız haldadır.
"Pilləkənin konstruksiyası olan bu armaturlar artıq gediş-gəlişdə ciddi problem yaradır. Hətta qonşu bir neçəsini çıxartdı ki, hərəkət rahat olsun. Onu da ki, dəmir satanlar oğurladılar. Buradan uşaq və yaşlı insanların da istifadə etdiyini nəzərə alsaq, pilləkənlər ərazini daha da təhlükəli edir",- deyə sakinlərdən biri narahatlığını ifadə edib.
Şikayətçilər aidiyyəti qurumlardan əraziyə baxış keçirilməsini və pilləkənlərin yenilənməsini tələb edirlər.
