Sumqayıtdakı yaşayış məntəqələrinin birində yaranan antisanitar vəziyyət vətəndaşları boğaza yığıb.
Sumqayit24.az-a daxil olan məlumata görə, Hacı Zeynalabdin Tağıyev qəsəbəsində əksər evlərin qarşısı və zirzəmilər çirkab sularla əhatə olunub. Bundan əlavə, əraziyə məişət tuallantılarının da atılması vəziyyəti daha acınacaqlı edir.
"Tez-tez ərazidə ya içməli su borusu, ya da kanalizasiya xətti partlayır. Nəticədə bura gölə çevrilir. Eyni zamanda həm pis qoxudan ərazidə hərəkət etmək olmur, həm də antisanitar vəziyyət həşəratların yaranmasına və çoxalmasına səbəb olur. Dəfələrlə şikayət etməyimizə baxmayaraq, bu problemlə bağlı heç bir addım atılmır",- deyə sakinlərdən biri qeyd edib.
Vətəndaşlar aidiyyəti qurumlardan əraziyə baxış keçirilməsini və problemin tezliklə aradan qaldırılmasını tələb edirlər.
