Sumqayıtda şəhid anasını və şəhidi təhqir edən şəxs həbs olunub.
Sumqayit24.az-ın məlumatına, hadisə şəhərin 45-ci məhəllə adlanan ərazisində yerləşən "Pioner market"də qeydə alınıb.
Belə ki, 35 yaşlı şəxs siqaret almaq üçün xalası oğlu ilə birgə həmin marketə daxil olub. Bu zaman o, sərxoş olduğu üçün marketin işçilərindən birini təhqir edib. Daha sonra başqa bir qadın işçini və onun şəhid olan yeganə oğlunu söyüb. Nəticədə Vüqar saxlanılıb və barəsində İnzibati Xətalar Məcəlləsinin 510-cu (xırda xuliqanlıq) maddəsilə protokol tərtib olunub.
Vüqar Salehov ifadəsində özünü təqsirli bildiyini, törətdiyi əməldən peşman olduğunu deyib. Zərərçəkən şəhid anası Sevinc xanım isə məhkəmədən onun cəzalandırılmasını istəyib.
Sumqayıt şəhər Məhkəməsinin qərarı ilə o, 5 gün müddətinə inzibati qaydada həbs edilib.
