Sumqayıtda maşınların sıx hərəkət etdiyi yoldan şikayət var.
Sumqayit24.az-a daxil olan məlumata görə, 10-cu mikrorayon, Babək küçəsində yolun orta hissəsində uzun müddətdir geniş çuxur zolağı mövcuddur.
Sakinlərin sözlərinə əsasən ərazidə sonuncu dəfə 5 il əvvəl təmir işləri aparılıb.
"Keyfiyyətsiz təmir səbəbindən yol bu vəziyyətə düşüb. Hər dəfə yağış yağanda çuxurlar daha da genişlənir. Dəfələrlə aidiyyəti qurumlara müraciət edilsə də, heç bir addım atılmır", - deyə şikayətçilərdən biri bildirib.
Vətəndaşlar aidiyyəti qurumlardan əraziyə baxış keçirilməsini və problemin aradan qaldırılmasını tələb edirlər.
