“Stansiya Sumqayıt” və “Yük həyəti” rayonu ərazisi kimi tanınan yaşayış massivinin sakinləri kanalizasiya problemindən narazıdırlar. Sumqayıt24 bu haqda Sumqayit.tv-yə istinadən xəbər verir.
Sakinlərin sözlərinə görə, qəsəbənin salınmasından 9 il ötsə də, buraya kanalizasiya xətti çəkilməyib. Burada olan şamboların zibilli suyu isə ətrafa buraxılır. 52 hektarlıq ərazidə 600-ə yaxın ev tikilib, bu isə 600 ailə deməkdir. Aidiyyəti orqanlara dəfələrlə müraciət olunsa da, problem hələ də həll olunmayıb.
Sakinlər qeyd edib ki, kanalizasiya sularının xoşagəlməz qoxusu ətrafı bürüyüb.
