Xəbər verdiyimiz kimi, Sumqayıtda yaşayış binasında yanğın baş verib.
Fövqəladə Hallar Nazirliyinin məlumatına əsasən, şəhərdəki 10-cu mikrorayon, bina 6-nın 1-ci mərtəbəsindəki ümumi sahəsi 90 m² olan 4 otaqlı mənzilin dəhlizinin yanar konstruksiyaları 15 m² sahədə yanıb.
Hadisə zamanı 1 nəfər yanıq xəsarəti alıb, yanğınsöndürənlər tərəfindən 1 nəfər xilas edilib və tüstülənmiş mənzillərdən 9 nəfər bina sakini təhlükəsiz əraziyə təxliyə olunub. Mənzilin qalan hissəsi yanğından mühafizə olunub.
****
Sumqayıt şəhərində yaşayış binasında yanğın qeydə alınıb.
Sumqayit24.az -a daxil olan məlumata görə, hadisə 10-cu mikrorayon, bina 6-da baş verib. Məlumata görə, qısaqapanma nəticəsində mənzildə yanğın baş verib. İlkin olaraq evdə quraşdırılmış şam ağacının üzərindəki işıqlandırma vasitələrinin alovlanmaya səbəb olduğu ehtimal olunur.
Hadisə yerinə Fövqəladə Hallar Nazirliyi və təcili tibbi yardım briqadası cəlb edilib.
Yanğın nəticəsində 2 nəfər kişi və 1 nəfər azyaşlı uşaq müxtəlif dərəcəli xəsarətlərlə xəstəxanaya yerləşdirilib.
Hadisənin təfərrüatları araşdırılır.
