Sumqayıtda gediş-gəlişin sıx olduğu ərazidə piyada səkisinin olmaması narazılıq yaradıb.
Sumqayit24.az-a daxil olan məlumata görə, Üzeyir Hacıbəyov küçəsinin 12-ci mikrorayondan keçən hissəsində piyadalar üçün nəzərdə tutulan səki mövcud deyil.
Qeyd edək ki, həmin ərazinin yaxınlığında Sumqayıt Dəmiryol vağzalı yerləşir. Nəticədə piyada axınının intensiv olduğu yerdə səkinin olmaması vəziyyəti daha da təhlükəli edir və hər gün xeyli sayda vətəndaş üçün ciddi risk yaradır.
Şikayətçilərin məlumatına əsasən, piyadalar əlacsızlıqdan maşınların hərəkət etdiyi yoldan istifadə etməli olurlar. Bu isə həm sürücülər, həm də piyadalar üçün həyati risk daşıyır.
Yerli sakinlər aidiyyəti qurumlardan sözügedən ərazidə piyada səkilərinin təşkil edilməsini tələb edirlər .
