Sumqayıt şəhərində zəncirvari yol-nəqliyyat hadisəsi qeydə alınıb.
Hadisə şəhərin Babək küçəsi ərazisində baş verib.
Belə ki, "Mazda", "Kia" markalı minik avtomobilləri və bir yük avtomobili toqquşub.
Qəza nəticəsində xəsarət alanların olduğu bildirilir.
İddialara görə, "Mazda" idarəetmədən çıxaraq əvvəlcə yük avtomobilinə çırpılıb, daha sonra isə təkər təmiri sexində dayanan "Kia" ilə toqquşub. Hadisə nəticəsində yolun hərəkət hissəsində nəqliyyatın hərəkəti qismən məhdudlaşıb.
Faktla bağlı aidiyyəti qurumlar tərəfindən araşdırma aparılır.
Video: Şəmistan Fikrətli
