Sabah Sumqayıtın bəzi ərazilərində qaz təchizatı dayandırılacaq. Bu haqda bu gün, 19 aprel tarixində Sumqayıt24 Qaz İstismarı Sahəsinə istinadən xəbər verir.
Məlumata əsasən, Ceyranbatan, Novruz, Təzə və Köhnə Corat qəsəbələri, Yaşıldərə və “Qurddərəsi” yaşayış massivləri, Sumqayıt-Novxanı şosesi əraziləri, Metallurq, Saray, Novxanı və Corat bağları, şəhərin 42, 47, 48, 49, 50, 51, 52, 53-cü məhəllələri, eləcə də 10, 11, 12, 13, 16, 17, 18, 20 və 21-ci mikrorayonlarda qaz təchizatında müvəqqəti fasilə yaranacaq.
20 aprel saat 10:00-dan etibarən “Şəhər-4” orta təzyiqli qaz kəmərində zəruri tədbirlərin gürülməsi və təmir-bərpa işləri aparılacaq. Bu səbəbdən işlər tamamlanana qədər qaz verilməyəcək.
