Sumqayıtda gediş-gəlişin sıx olduğu ərazidən şikayət var.
Sumqayit24.az-a daxil olan məlumata görə, 10-cu mikrorayonda, Babək küçəsində balıq ticarətinə görə ərazidə antisanitar vəziyyət yaranıb.
Vətəndaşların məlumatına əsasən, satışa çıxarılan balıqların saxlanıldığı sular əraziyə tökülür. Bu isə sözügedən yerdə pis qoxu və üfunətin yaranmasına səbəb olur.
Ərazinin də gediş-gəlişdə işlək yol olduğunu nəzərə alsaq, bu vəziyyəti daha da acınacaqlı edir.
Vətəndaşlar aidiyyəti qurumlardan əraziyə baxış keçirilməsini və problemin həll edilməsini tələb edirlər.
