Sumqayıtın şəhərinin təhsil ocaqlarında maliyyə pozuntusu aşkarlanıb.
Sumqayit24.az Hesablama Palatasının hesabatına istinadən xəbər verir ki, aparılmış maliyyə auditi nəticəsində 2023-cü il üzrə bir neçə kollec və peşə təhsil mərkəzinin maliyyə hesabatlarında əhəmiyyətli məbləğlərdə mühasibat uyğunsuzluqları bu günədək aradan qaldırılmayıb.
Sözügedən uyğunsuzluqlar Sumqayıtın təhsil ocaqlarında da var.
Sumqayıt Musiqi Kolleci və Sənaye və Yüksək Texnologiyalar üzrə Sumqayıt Peşə Təhsil Mərkəzində nizamnamə fondlarının dəyəri maliyyə hesabatlarında "Ödənilmiş nizamnamə (nominal) kapitalı" maddəsində əks etdirilməyib. Belə hallar bu məbləğlər üzrə müəyyən edilib:
Sumqayıt Musiqi Kolleci – 132 min 515 manat
Sənaye və Yüksək Texnologiyalar üzrə Sumqayıt Peşə Təhsil Mərkəzi – 9 milyon 284 min 926 manat
Hesablama Palatası bu uyğunsuzluqların müvafiq mühasibat yazılışları aparılmaqla aradan qaldırılmasını tələb etsə də, audit qərarlarının icrası hazırda izlənilmə mərhələsində qalır.
