Bu gün sumqayıtlı rejissorun filmi kinoteatrda pulsuz nümayiş olunacaq.
Sumqayit24.az xəbər verir ki, Bakı şəhərində, Nizami Kino Mərkəzində Baku International Film Festivalı çərçivəsində müxtəlif filmlər tamaşaçılara təqdim ediləcək.
Festival proqramına daxil olan filmlər arasında sumqayıtlı rejissor Mətləb Muxtarovun "Yaddaş sarayları" sənədli filmi də yer alır.
Seans saat 18:00-da başlayacaq və həmin vaxt ərzində ümumilikdə 4 film nümayiş olunacaq. Filmlərə giriş isə pulsuzdur.
Qeyd edək ki, "Yaddaş sarayları" qısametrajlı sənədli filmi daha əvvəl Çexiyanın Jihlava şəhərində keçirilən Beynəlxalq Sənədli Film Festivalında nümayiş olunub və həm tamaşaçılar, həm də kino tənqidçiləri tərəfindən maraqla qarşılanıb.
