Səməd Vurğun küçəsində yerləşən binanın zirzəmisindən çirkab sular axır. Sumqayıt24 bu barədə 12 iyul tarixində xəbər verir.
Bəhs etdiyimiz problem Sürücülük məktəbinin yataqxanasında yaranıb. Buranın zirzəmisi hər zaman su ilə doludur. Sakinlərin sözlərinə görə, yayılan üfunət qoxusundan və ağcaqanadların çoxluğundan, bəzən, hətta evdə oturmaq olmur.
Qeyd edək ki, yataqxananın yanından keçən yol da təhlükə mənbəyidir. Ərazidə səki və işıqlandırma sistemi yoxdur. Bu səbəbdən, axşam saatlarında sürücülər piyadaları yalnız son anda görə bilir. [modula id="18294"]
