Hacı Zeynalabdin Tağıyev qəsəbəsində məhəlləni çirkab sular basır. Sumqayıt24 bu haqda 28 dekabr tarixində xəbər verir.
Fətəlixan küçəsi, ev 3-ün sakinləri kommunal problemdən təngə gəliblər. Onlar bildirirlər ki, kanalizasiya sistemi ayda azı 6 dəfə tutulur:
“Azərsu”nun yerli idarəsinə müraciət edirik. Gəlib məftillə təmizləyirlər, gedirlər. 3-4 gün sonra yenidən eyni şey. Texnikaları yoxdur, dediklərinə görə, işləmir, xarabdır. Qurumun rəhbərliyi ilə də əlaqə saxlamaq mümkün olmur. Nə vaxta kimi əziyyət çəkəcəyik?”
Şikayətçilər qeyd edirlər ki, çirkab sular ətrafa üfünət yayır və blokun altında çatlar yaradıb.
