“Tuğ-zavod” qəsəbəsinin sakinləri Sumqayıta gəlməkdə çətinlik çəkirlər. Sumqayıt24 bu haqda 3 noyabr tarixində Xəzər Xəbər-ə istinadən xəbər verir.
Onların sözlərinə görə, Bakı-Quba yolunun bu ərazidən keçən hissəsində bir neçə il əvvəl təmir-bərpa işləri görülüb. Lakin qəsəbəyə giriş yolunda geriyə dönmə qövsü qoyulmayıb.
Nəticədə insanlar Sumqayıta getmək üçün ilk növbədə Ceyranbatan qəsəbəsinə getməli və oradan geriyə dönüş etməlidirlər. Bu isə vaxt itkisi və əlavə yanacaq xərci deməkdir.
Baş Dövlət Yol Polisi İdarəsi və Avtomobil Yolları Dövlət Agentliyindən bildirilib ki, qəbul olunmuş qərardan və ayrılmış vəsaitdən asıllı olaraq, ərazidə geriyə dönmə yerinin təşkil edilməsi mümkündür.
