Sumqayıtda yağışın yaratdığı fəsadlar davam etməkdədir.
Sumqayit24.az-a daxil olan məlumata görə, Hafiz Baxış küçəsi, 33 nömrəli marşrutun keçdiyi yolu su basıb.
Sakinlərin sözlərinə görə, kanalizasiya xətləri olmadığı üçün yol hər dəfə yağış yağan kimi bu vəziyyətə düşür.
"Yağış yağanda ərazi keçilməz vəziyyətdə olur. Uşaqlar belə vəziyyətdə məktəbə gedə bilmirlər. Bundan əlavə, evimizi, həyətimizi də su basıb. Onu da əlavə edim ki, 33 nömrəli avtobus marşrutu da buradan keçir, yəni işlək yoldur. Havanın da tez-tez yağmurlu keçdiyini nəzərə alsaq, burada tədbir görülməsi şərtdir", - deyə vətəndaşlardan biri bildirib.
Bir sözlə, şikayətçilər əraziyə baxış keçirilməsini və problemin aradan qaldırılmasını tələb edirlər.
