"Paytaxtın 20 Yanvar metrosu yaxınlığından Sumqayıt, Xırdalan, Masazır istiqamətlərinə hər gün onlarla avtobus minlərlə sərnişin daşıyır. Lakin, həmin ərazidə heç bir dayanacaq mövcud deyil".
Sumqayit24.az xəbər verir ki, bu barədə vətəndaşlar sosial şəbəkələrdə narazılıqlarını bildiriblər.
Şikayətçilər qeyd ediblər ki, güclü yağışlı günlərdə xüsusilə yaşlı insanlar, hamilə qadınlar və uşaqlar dayanacaqların olmamasına görə çətin vəziyyətdə qalırlar.
Bir sözlə, vətəndaşlar aidiyyəti qurumlardan əraziyə baxış keçirilməsini və dayanacağın təşkil edilməsini tələb edirlər.
