Sumqayıtda fərdi yaşayış evlərindən tullantıların daşınması üçün xidmət haqqı bahalaşıb. Aidiyyəti qurumdan bununla bağlı açıqlama verilib. Sumqayıt24 bu haqda Xeberle.com-a istinadən xəbər verir.
Vətəndaşları cari ildən etibarən 3 manat təşkil edən aylıq məbləğin 4 manata qalxmasının səbəbi maraqlandırır. Sumqayıt Təmizlik Departamentindən verilən məlumata əsasən, fərdi yaşayış sektorunda tullantıların daşınması üçün 1 kub metrə görə ödəniş 11.20 AZN-dir.
Qeyd olunub ki, sakinlərdən 4 manat istənilirsə, bu göstərilən məbləğin yarısından da az pul deməkdir. Binalarda yaşayanlar hər adamdan zibilin daşınması üçün 0.30 manat alınır. Fərdi mənzillərdə isə məbləğ fərqlidir, ay ərzində sakinlərin 1 kub-dan çox məişət tullantıları çıxır.
