Sumqayıtda əmək yarmarkası baş tutacaq. Bu haqda 17 oktyabr tarixində Sumqayıt24 Dövlət Məşğulluq Agentliyinə istinadən məlumat verir.
Yarmarka 18 oktyabr saat 10:00-13:00 aralığında “Kimyaçı” Mədəniyyət Sarayında keçiriləcək. Burada 62 müəssisə tərəfindən 320-dən artıq vakansiyanın əmək yarmarkasına çıxarılması nəzərdə tutulub.
Namizədlər şəxsiyyət vəsiqəsi, eləcə də CV nümunəsi ilə birlikdə yaxınlaşa bilərlər.
Layihə Dövlət Məşğulluq Agentliyinin Abşeron-Xızı Regional Məşğulluq filialının təşkilatçılığı ilə həyata keçiriləcək.
