Sumqayıtda “Cümhuriyyət tarixinə baxış” adlı viktorina baş tutub. Bu haqda 27 may tarixində Sumqayıt24 Mədəniyyət Xəbərlərinə istinadən məlumat verir.
28 May – Müstəqillik Günü münasibətilə təşkil olunan bilik yarışı Mərkəzi Uşaq Kitabxanasında keçirilib. 3 turdan ibarət olan viktorina “Cümhuriyyət tarixi”, “Cümhuriyyət qurucuları”, “Heydər Əliyev və Azərbaycan Xalq Cümhuriyyəti” mövzularını əhatə edib.
Turnirdə 18 nömrəli tam orta məktəbin 6 və 7-ci sinif şagirdləri üzrə hər biri 5 nəfərdən ibarət “Cümhuriyyət”, “Hürriyyət”, “İstiqlaliyyət”, “Xarıbülbül” komandaları yarışıb. Münsiflər heyəti tərəfindən bilik yarışmasının qalibi “İstiqlaliyyət” komandası seçilib.
Qaliblər müxtəlif hədiyyələrlə mükafatlandırılıblar.
