Sumqayıtda ödənişsiz peşəkar inkişaf proqramına qeydiyyat başlayıb. Sumqayıt24 bu haqda 29 mart tarixində Dövlət Məşğulluq Agentliyinə (DMA) istinadən xəbər verir.
PROGRO Platforması tərəfindən keçirilən kurslar 2 ay davam edir. İştirakçılar məşğələlər, fiziki təlimlər, praktik tapşırıqlar, aktiv iş axtarışı, müxtəlif mövzularda təqdimatlar, tədbirlərin təşkili, şirkət nümayəndələri ilə görüşlərə qatıla biləcəklər. Bununla da iş mühitinə peşəkar kimi hazırlaşacaqlar.
Namizədlərdən yaşı 30-dan az olan, ali və ya orta ixtisas təhsilli, iş axtaran, motivasiyalı və öz üzərində işləməyə meyilli olanlara üstünlük veriləcək.
Proqrama qatılmaq üçün link vasitəsilə aprelin 10-dək qeydiyyatdan keçmək gərəklidir.
