Sumqayıt məktəblilərinin ödənişsiz Yay düşərgəsi təşkil olunacaq. Sumqayıt24 bu haqda 12 iyun tarixində xəbər verir.
Düşərgə “Sağlam Düşüncə“ Gənclər Təşkilatının təşkilatçılığı, Elm və Təhsil Nazirliyinin maliyyə dəstəyi ilə Şəkidə keçiriləcək. Layihə ətraf mühitin mühafizəsi və sağlam həyat tərzi ilə maraqlanan, Sumqayıt məktəblərinin 7, 8 və ya 9-cu siniflərində oxuyan şagirdlər üçün nəzərdə tutulub. Üstünlük Gənclər Təşkilatının fəaliyyətlərində aktiv iştirak edən 5 məktəbin şagirdlərinə veriləcək: 1 nömrəli, 11 nömrəli və 12 nömrəli məktəblər, Təbiət Elmləri Təmayüllü Gimnaziya, İstedad liseyi.
Qeydiyyat linki: https://forms.gle/uiwa8y2oy9CC5PzQ8 (son tarix 19 iyun 23:59).
Əlaqə: (055) 823-72-90/ [email protected].
Qeyd edək ki, Yay düşərgəsi 23-28 iyul tarixlərində əvvəlcədən müəyyən edilmiş ərazidə keçiriləcək. İştirakçılara qalmaları üçün çadırlar veriləcək. Gigiyena qaydalarına əsasən, yataq tulumları və şəxsi əşyalar hər şagird tərəfindən özü ilə gətirilməlidir. Qeydiyyat bitdikdən sonra iştirakçılarla əlaqə saxlanılacaq və onlar müsahibəyə dəvət olunacaqlar.
