Sumqayıt Yaşayış Kompleksində mənzillərin güzəştlə satışı həyata keçiriləcək.
Sumqayit24.az bu barədə Mənzil İnşaatı Dövlət Agentliyinə (MİDA) istinadən xəbər verir ki, Bulvar küçəsi, 197 ünvanında yerləşən kompleks üzrə 10 mənzilin satışı 3 dekabr saat 11:00-da başlayacaq və 12 dekabr 2025-ci il tarixi saat 11:00-dək davam edəcək.
Mənzil İnşaatı Dövlət Agentliyinin sərəncamında olan mənzillərin əldə edilməsi "Elektron hökumət" portalı üzərində (www.e-gov.az) "Güzəştli mənzil" sistemi vasitəsilə elektron qaydada həyata keçirilir.
Yalnız "Güzəştli mənzil" sistemində elektron kabinetə sahib olan vətəndaşlar mənzil almaq hüququna malikdir. Elektron kabinetə sahib olan bütün vətəndaşlar qeydiyyat tarixindən və sıra nömrəsindən asılı olmayaraq mənzillərin seçimində bərabər hüquqa malikdir.
