Sumqayıtda "Tullantıları tinglərə dəyiş" aksiyası keçiriləcək.
Sumqayit24.az xəbər verir ki, Ekologiya və Təbii Sərvətlər Nazirliyinin təşkilatçılığı, "Bravo" supermarketlər şəbəkəsinin dəstəyi ilə oktyabrın 31-i saat 14:00-da "Tullantıları tinglərə dəyiş" aksiyası keçiriləcək.
Belə ki, Sumqayıtda Üzeyir Hacıbəyov küçəsində yerləşən "Bravo" supermarketinin qarşısında keçirilən aksiya zamanı vətəndaşlar ümumi tutumu minimum 35 litr olan plastik butulka, 5 litr tutumu olan şüşə butulka/banka və ya 10 ədəd işlənmiş batareya təhvil verərək əvəzində ting əldə edə biləcəklər.
