Sumqayıtda silsilə tədbirlər keçiriləcək. Sumqayıt24 bu haqda 21 mart tarixində Mədəniyyət Nazirliyinə istinadən xəbər verir.
Bakıda fəaliyyət göstərən teatrlar bölgələrdə tamaşalar nümayiş etdirəcək. Azərbaycan Dövlət Gənc Tamaşaçılar Teatrı Sumqayıtda teatrsevərlərinin görüşünə gedəcək. Yaradıcı heyət “Dəcəl keçi” nağıl-tamaşasını martın 26-da səhnələşdirəcək.
Musiqisevərlər üçün isə Novruz tətillərində muğam konserti keçiriləcək. Şənlik martın 23-də Sumqayıt Muğam Mərkəzində təşkil olunacaq.
Konsertdə Muğam Televiziya müsabiqələrinin iştirakçısı və qalibləri, eləcə də respublika və beynəlxalq müsabiqələrin laureatları çıxış edəcəklər.
Xanəndələr Aytən Məhərrəmova, Məmməd Nəcəfov, Zabitə Alıyeva, Babək Şuşalı, Yaqut Xəlilzadə, Nisbət Sadrayeva, Xəyal Hüseynov, Rəvan Qaçayev, gənc xanəndələr Ədilə Əliyeva, Sevil Abdullayeva, Yusif Sadıxov, Həsrət Əzizli, tarzənlər Səxavət Məmmədov, İsmayıl Zülfüqarov, qanun ifaçısı Natəvan Həsənova, kamançaçı Fərrux Haşımlı, balabançı Rafael Əsgərov, nağaraçı Vüsal Bayramovun ifasında tamaşaçılar muğam və təsnifləri, instrumental muğam parçalarını, habelə muğam improvizasiyalarını dinləmək imkanı əldə edəcəklər.
