Sumqayıtda təhsil işçiləri və fənn müəllimləri üçün qiymətləndirmə düşərgəsi keçiriləcək. Sumqayıt24 bu haqda 30 avqust tarixində xəbər verir.
Tədbir Təhsil İnstitutu və Abşeron-Xızı Regional Təhsil İdarəsi tərəfindən 6-8 sentyabr tarixlərində təşkil olunacaq. Düşərgənin əsas məqsədi təhsil işçilərinin, xüsusilə müəllimlərin beynəlxalq qiymətləndirmələr barədə məlumatlılığını artırmaq, təhsil siyasətinin formalaşmasında qiymətləndirmələrin rolunu anlamaq, eləcə də onların səriştə əsaslı qiymətləndirmə vasitələrinin hazırlanmasında bilik və bacarıqlarını inkişaf etdirməkdir.
Qeyd edək ki, iştirakçılar şagirdlərin oxu və riyaziyyat üzrə biliklərinin real həyatda tətbiqi üzrə qiymətləndirmə vasitələri hazırlayacaqlar. Sonda isə onlar sertifikatlarla təltif olunacaqlar.
