"Las Vegas International" turnirinin qalibi olan şahmatçımız təəssüratlarını bölüşüb. Sumqayıt24 bu haqda 11 iyun tarixində xəbər verir.
32 yaşlı qrosmeyster Vasif Durarbəyli bildirib ki:
"Las Veqas Şahmat Festivalı 1967-ci ildən keçirilir. ABŞ-nin ən böyük tarixə malik olan açıq turniridir. Yarışmada ümumilikdə 2000-ə yaxın şahmatçı və şahmatsevər iştirak edirdi. Burada ölkəmizi təmsil etmək və əminliklə qələbə qazanmaq məni sevindirdi. Ötən il bu yarışda birinciliyi bölüşmüşdüm, amma oyun keyfiyyəti məni qane etməmişdi. Bu dəfə bölgüsüz qələbə qazandım, həm də oyunların keyfiyyəti yüksək idi. Ümidvaram ki, növbəti yarışlarda eyni səviyyəni nümayiş etdirəcəyəm".
V. Durarbəylinin hazırkı hədəfi milli komandanın heyətinə daxil olmaq və qarşıdan gələn olimpiadada medallar uğrunda mübarizə aparmaqdır.
