Sumqayıt idmançıları yeniyetmələr arasında keçirilən Azərbaycan birinciliyində uğur qazanıblar. Bu haqda 30 may tarixində Sumqayıt24 Gənclər və İdman Baş idarəsinə istinadən xəbər verir.
Ağır atletika Federasiyasının və Gənclər və İdman Nazirliyinin birgə təşkilatçılığı ilə keçirilən yarış Bakı şəhərində baş tutub. Turnirdə şəhər və rayonların 150-dən çox idmançısı mübarizə aparıb.
Yekunda Sumqayıt idmançıları - Zəhra Niftəliyeva (71 kq), Arzu Qədimova (76 kq) qızıl, Milena Hüseynli (59 kq), Turan Əliyev (73 kq) gümüş, Yunis Bayramov (67 kq) və Rəbbani Niftəliyev (96 kq) isə bürünc medala layiq görülüblər.
