Azərbaycanın milli komandasının və "Neftçi"nin sabiq sumqayıtlı futbolçusu Kamal Quliyevin ölkə ictimaiyyətinə ünvanladığı müraciətə cavab verilib.
Modern.аz-ın məlumatına görə, "Neftci" klubu bütün müalicə xərclərinə kömək göstərəcəyini vəd edib.
Xatırladaq ki, səhhətində ciddi problemlər yaranmış Kamal Quliyev bir neçə gün öncə videomüraciət yayaraq AFFA-dan və futbol ictimaiyyətindən maddi dəstək istəyib. O, 40 min manata ehtiyacı olduğunu və qaraciyərinin dəyişdirilə biləcəyini deyib.
K.Quliyev 1999-2005-ci illərdə Azərbaycan millisində oynayıb. Hazırda 49 yaşı olan veteran futbolçu 2011-2014-cü illərdə "Neftçi"də məşqçi, 2014-2016-cı illərdə "Neftçala" komandasında baş məşqçi işləyib.
Onun hazırda işsiz olduğu bildirilir.
