“Sumqayıt” klubunun legioneri Oktavio Manteka müsahibə verib. Bu haqda 19 mart tarixində Sumqayıt24 Azərtac-a istinadən xəbər verir.
31 yaşlı braziliyalı yarımmüdafiəçi “Sumqayıt” – “Sabah” (1:2) matçından sonra məğlubiyyətə görə məyus olduğunu bildirib: “Oyunda nəsə etməyə çalışdıq. Təəssüf ki, alınmadı. “Sabah” yaxşı mübarizə apardı. Heyətindəki futbolçular da perspektivlidirlər. Hər matçda maksimum nəticə qazanmaq istəyirik. Son üç görüşdə yaxşı şanslarımız oldu. Düşünürəm ki, mövsümü ikinci yerdə bitirə bilərik”.
O, komandanın inkişaf etdiyini söyləyib: “Hər oyun bizim üçün çətin olur. Üzərimizdə təzyiq var. Ancaq heyətimizdə olan futbolçuların çox yaxşı bacarığı var. Növbəti matç “Araz-Naxçıvan”a qarşı olacaq. Çətin olsa da, üç xala ehtiyacımız var”.
“Kimyaçılar” hazırda turnir cədvəlində 39 xalla beşinci pillədə qərarlaşıb.
