“Sumqayıt” FK-nın xanımlardan ibarət komandası Yüksək Liqada sonuncu turun oyununu keçirib. Bu haqda 25 may tarixində Sumqayıt24 kluba istinadən xəbər verir.
Çempionluğu təmin etmiş təmsilçimiz “Kapital Bank Arena”da 8 №-li İOEUGİM kollektivi ilə qarşılaşıb. Komandamız 7:4 hesabı ilə qalib gəlib. Ləman Mustafazadənin het-trik, Nübar Eminovanın isə dubl etdiyi qarşılaşmada digər qollarımızın müəllifləri Firuzə Şıxıyeva və Rövşanə Sərdarlı olublar.
Beləliklə, “Sumqayıt” FK Yüksək Liqanın məğlubiyyətsiz çempionu adını qazanıb.
Qızlarımız keçirdiyi 18 qarşılaşmada 14 qələbə və 4 heç-heçə əldə etməklə 46 xal toplayıblar. Hücumçumuz Şəfəq Nəsirova isə 64 qolla çempionatın bombardiri olub.
