45-ci Ümumdünya Şahmat Olimpiadasında 7-ci turun oyunları baş tutub.
Sumqayıt24 xəbər verir ki, Azərbaycanın kişilərdən və qadınlardan ibarət milliləri Qazaxıstanla üz-üzə gəliblər. Kişilərdən ibarət seçmə 3:1 hesablı qələbəyə sevinib. Sumqayıtlı Şəhriyar Məmmədyarov isə bu turu buraxıb.
Qadınlardan ibarət milli rəqibinə eyni hesabla uduzub. Gənc qrosmeysterimiz Gövhər Beydullayeva bu mərhələdə Kseniya Balabayeva ilə heçə oynayıb.
Qeyd edək ki, kişi şahmatçılarımız daha əvvəl Monteneqro (3:1), İordaniya (3,5:0,5), Finlandiya (3,5:0,5) və Moldovanı (3:1) məğlub edib, Hindistan (1:3) ilə Litvaya (1,5:2,5) uduzublar. Qadınlardan ibarət komandamız isə Sloveniya (3:1), Nikaraqua (4:0), Avstraliya (3:1) və Vyetnamdan (2,5:1,5) üstün olub, Argentina və Ukrayna ilə heç-heçə edib - 2:2.
